Psa 23 | KGF | STEP | (Dawidiac legic ʒéra.) Yawe imi nuac rama galeŋna, ni imuac me imuac ménda hocmaŋ.

Psalms 23

Kurumeŋac rama galeŋ téréya.

1 (Dawidiac legic ʒéra.) Yawe imi nuac rama galeŋna, ni imuac me imuac ménda hocmaŋ. 2 Inéŋ ni ɋézézac téŋgiŋ téŋgiŋiguc noporu hemaŋ. Waŋu doku giŋgiŋa hétéŋa qahac imuaru nuagicma keŋanʒac. 3 Nuac kekec uŋana meɋeli nénna.

Inéŋ eŋeya qac buŋaya niŋac wamma héna solaŋaiguc nuagicma keŋanʒac. 4 Ni humucac baec wéŋwéŋgia siŋi déndéŋgiaiguc keŋha wammaŋiguc, geŋ mia niguc kecanʒaŋ, imuac kileŋ ʒérabérawac bac yandi yandi ménda wammaŋ. Guac tacga ʒéma ɋarucganéŋ ni qindiŋi néŋanʒaŋ.

5 Geŋ mia nuac haʒécnawac kicginaiguc neneac ʒae hainémma halécnéŋ orucna naecma météré nénna nuac sokocnéŋ sécgéma mazac.

6 Nuac kekecnawac nalé séc, guac ewa hia ʒéma goi héihéiganéŋ hélacnec méndac néŋu, ni Yawe guac amaiguc hémbénaŋa kecammaŋ.